Panalo na naman si Manny Pacquiao (maging sa pera)

Neil — Sun, 16 Mar 2008 14:23:49 +0000

Sabi ko na nga ba! Si Manny na naman ang mananalo. Bagaman nagkamali ako ng hula na mahina sa boksing si Marquez, natutuwa ako at si Manny pa rin ang nanalo. Muntikan na din yun. Buti na lang at nakabawi siya sa mga rounds sa dulo. Kung nagkataon, uuwing bigo ang ating Pambansang Kamao.

Marami na namang pera si Money este Manny pala. At sa panalong ito, hindi malayong tumaas na naman ang asking price niya. Natural lang yun, noong nasa showbiz ako ganyan din ako (what????). Sa totoo lang, napakarami na talagang yaman ni Manny Pacquiao. Alam kong marami na rin siyang natulungan pero kung ako ang magbibigay ng payo sa kanya para sa mas maraming matutulungang kababayan, eto ang mga suhestiyon ko.

Bawat suntok na bibitawan ni Pacquiao ay magbibigay siya ng P10,000 sa mga pre-selected na charitable institutions. Marami-raming mapapabigay diyan.
Para mas maiwasan ang maraming suntok, bawat suntok na matatanggap galing kay Juan Marquez, P20,000 ang ibibigay niya.
One dollar mula sa kita ng bawat mabebenta sa Pay-Per-View at mapupunta din sa charity.
Lahat ng kikitain niya sa advertising sa shorts nya, ibigay nya na rin sa charity.

Nabanggit ko na lang ang tungkol sa shorts nya. Kakainggit. Isipin mo isusuot mo lang ang shorts na puro logo, kikita ka na rin ng milyones. Di na ako magtataka kung dumating ang panahon na pati globes ni Pacquiao, me advertiser na rin. Ang tanong, sa mouthpiece may magsponsor din kaya?

NeiLathala » boxing

Panalo na naman si Manny Pacquiao (maging sa pera)