Mar 8, 2010

Kulang ng sampung araw para magtatlong buwan, nagkaroon din ako ng pagkakataong unti unting maipakita sa mundo ang pinakamahalagang naganap sa buhay ko bago magPasko noong 2009. Kinukulit na nga ako ng mga hindi nakapunta at ng mga iba ko pang kakilala. Nasaan na daw ba ang mga larawan at bidyo noong kasal namin ni Janielle?

Ang katotohanan nyan, nagtipid kami kaya walang bidyo, pero may AVP (sa mga hindi nakakaunawa, Audio-Visual Presentation yan, at wag nyo ng ipaTagalog sa akin dahil hindi ko rin alam kung ano sa Tagalog yan). Kung larawan naman, meron akong mahigit isang libong larawan, kasama na ang mga kuha sa kamera ng mga nagsidalo. Wala pa lamang akong oras isa-isahing ilagay sa Facebook. Ang katotohanan nga nyan, wala akong balak ilagay lahat sa Facebook, kaya kung mapapansin nyo, pa unti-unti ako kung maglagay. Dahil dito talaga sa blog na ito nararapat yang mapalagay, para naman may bumisita kahit papaano. Asahan nyo, kung lagi rin kayong bibisita rito, tuturuan ko kayo paano gumawa ng ganito.

Ito na muna ang AVP, balikan nyo mamya o bukas para sa mga natitira pa.